Իլոն Մասկի մասին ինքնակենսագրական կնկարահանվի

Նյույորքյան A24 ստուդիան աշխատում է Իլոն Մասկի մասին կենսագրական ֆիլմի շուրջ, որի ռեժիսորը Դարրեն Արոնոֆսկին է։

Ինչպես հայտնում է Reuters-ը՝ հղում անելով աղբյուրներին, A24-ը ձեռք է բերել Ուոլթեր Այզեքսոնի՝ աշխարհի ամենահարուստ մարդու մասին գրքի իրավունքները։ Մասկի կենսագրական ֆիլմը արտադրվելու է Արոնոֆսկու «Protozoa Pictures»-ի կողմից: «Ես ուրախ եմ, որ դա Դարենն է անում: Նա լավագույններից մեկն է»,-ասել է Մասկը X միկրոբլոգում:

Ստուդիան նախկինում ռեժիսորի հետ աշխատել է Բրենդան Ֆրեյզերի մասնակցությամբ նրա «Կետը» ֆիլմի շուրջ, որն արժանացել է «Օսկար» մրցանակի՝ լավագույն դերասան եւ լավագույն գրիմ եւ վարսահարդարում անվանակարգերում:

A24-ն այս տարի ստացել է «Օսկարի» 18 անվանակարգ` վեց ֆիլմերի համար. այն զիջում է միայն զվարճանքի հսկա Walt Disney-ին:

Մասկի մասին գիրքը թողարկվել է Simon & Schuster-ի կողմից, որը պատկանում է KKR մասնավոր բաժնետիրական ընկերությանը։

Դեռեւս հայտնի չէ, թե ով կմարմնավորի Մասկին ֆիլմում, սակայն սոցիալական ցանցերը ենթադրում են, որ լավագույն թեկնածուն կանադացի դերասան Քեւին Դյուրանն է։