Հայտնի է` երբ կկայանա Վագիֆ Խաչատրյանի գործով դատական առաջին նիստը
Հուլիսի վերջին Լաչինի միջանցքում առեւանգված արցախցի Վագիֆ Խաչատրյանի գործով առաջին նիստը տեղի կունենա հոկտեմբերի 13-ին Բաքվում։ Այս մասին հայտնում է ադրբեջանական ԱՊԱ գործակալությունը:
Նշվում է, որ գործով տուժող է ճանաչվել 59 անձ:
Հիշեցնենք, որ անհետաձգելի բուժօգնություն ստանալու համար Արցախից Հայաստան տեղափոխվող Վագիֆ Խաչատրյանին Ադրբեջանի սահմանապահ ծառայության ներկայացուցիչները առևանգեցին հուլիսի 29-ին։
Նրան մեղադրանք է ներկայացվել, ըստ որի` Վագիֆ Խաչատրյանն իբր հանցավոր խումբ է ստեղծել, որը 1991թ. դեկտեմբերի 21-ին մասնակցել է Խոջալուի շրջանի Մեշալի գյուղի բնակիչների դեմ հանցագործություններին։
