Բլինքենն ու Թուրքիայի ԱԳ նախարարը քննարկել են իրավիճակը Լեռնային Ղարաբաղում
Սեպտեմբերի 22-ին Նյու-Յորքում ՄԱԿ-ի ԳԱ 78-րդ նստաշրջանի շրջանակներում կայացել է Թուրքիայի արտգործնախարար Հաքան Ֆիդանի և ԱՄՆ պետքարտուղար Էնթոնի Բլինքենի հանդիպումը
45 րոպե տևած հանդիպման ընթացքում կողմերը քննարկել են հացահատիկի գործարքն ու Շվեդիայի՝ ՆԱՏՕ-ին անդամակցելու հարցը։ Անադոլու գործակալության փոխանցմամբ՝ Բլինքենն ու Ֆիդանը քննարկել են նաև իրավիճակն Արցախում և տեղի ունեցած վերջին իրադարձությունները։
Բացի այդ, հանդիպման ընթացքում մտքեր են փոխանակվել նաև մի շարք կոնկրետ և կառուցողական քայլերի շուրջ, որոնք կարող են ձեռնարկվել առաջիկայում երկու երկրների հարաբերություններն ավելի բարձր մակարդակի հասցնելու նպատակով։
