Ադրբեջանական ագրեսիան դադարեցնելու համար անհրաժեշտ է միջազգային հրատապ միջամտություն. Միրզոյանը` Բլինքենին
Արարատ Միրզոյանը ԱՄՆ պետքարտուղար Էնթոնի Բլինքենի հետ առանձնազրույցում ընդգծել է, որ անհրաժեշտ է միջազգային հրատապ միջամտություն՝ դադարեցնելու ադրբեջանական լայնածավալ ագրեսիան Լեռնային Ղարաբաղում, ինչպես նաև վայրագ հանցագործությունները։
Այդ մասին ՀՀ արտաքին գործերի նախարարը հայտնել է սոցցանցի X հարթակում։
«Հարավային Կովկասը ապակայունացնելու բոլոր ջանքերը պետք է կանխվեն»,- ասված է Արարատ Միրզոյանի գրառման մեջ։
