Ձերբակալել են Գարիկ Գալեյանին. armlur.am
hraparak.am-ը գրել էր, որ այսօր ձերբակալել են 44-օրյա պատերազմի հերոս Մխիթար Գալեյանի հորը` Գարիկ Գալեյանին: Նա գտնվում է ձերբակալվածների պահման վայրում:
ArmLur.am-ի տեղեկություններով՝ Գարիկ Գալեյանը ձերբակալվել է թմրանյութի քրեական գործի շրջանակներում։
Բայց հատկանշական է, որ այս ձերբակալությունը տեղի ունեցավ այն բանից հետո, երբ երեկ երեկոյան հայտնի դարձավ, որ «Որդիների կանչ» ՀԿ-ն Երևանի ավագանու ընտրություններում սատարում է «Մայր Հայաստան» դաշինքի քաղաքապետի թեկնածու Անդրանիկ Թևանյանին։
Ակնհայտ է դառնում, որ քաղաքական իշխանությունները Գալեյանին որոշեցին ձերբակալել հենց այս հայտարարությունից հետո։
Նշենք, որ երկար ժամանակ է Գալեյանին քաղաքական իշխանությունները հետևում են։
Գալեյանը շատ անգամ է հայտնվել իրավապահների տեսադաշտում։ Վերջին դեպքը կապված էր Նիկոլ Փաշինյանի որդու առևանգման գործի հետ։
