Աֆղանաստանի և Պակիստանի սահմանին բախումներ են սկսվել
Աֆղանստանի զինվորականների և Պակիստանի սահմանապահ զորքերի միջև բախումներ են սկսվել երկու երկրների սահմանին։ Այս մասին հաղորդում է «РИА Новости» գործակալությունը՝ վկայակոչելով ականատեսներին:
Նրանց խոսքով՝ մարտեր են սկսվել «Թորհամ» հսկիչ անցակետի շրջանում, այնտեղ հրաձգության ձայներ են լսվում։
Միջադեպի պատճառով հազարավոր քաղաքացիական բնակիչներ արգելափակվել են, սահմանի երկու կողմի խաղաղ բնակիչները լքում են իրենց տները և փորձում դուրս գալ վտանգավոր գոտուց։
«Թորհամ» հսկիչ անցակետը Պակիստանի և Աֆղանստանի միջև առևտրային և տարանցիկ երեք առանցքային ուղիներից մեկն է: Իսլամաբադը «Թորհամ» հսկիչ անցակետը նաև օգտագործում է իր կոմերցիոն ապրանքները Կենտրոնական Ասիա ուղարկելու համար:
