Թուրքական քարոզչամեքենան նորից թիրախավորել է ամերիկյան զինվորականներին
ԱՄՆ Կենտրոնական ուժերի հրամանատար, գեներալ Մայքլ Էրիկ Կուրիլան այցելել է Սիրիայում գտնվող Հոլ և Ռոջ ճամբարներ, որտեղ Անկարայի կողմից ահաբեկչական համարվող քրդական ուժերը պահում են «Իսլամական պետություն» (ԻՊ) ահաբեկչական կազմակերպության զինյալների ընտանիքներին:
Հայտարարության մեջ նշվում է, որ Կուրիլլան հայտարարել է, որ իրենք աշխատում են ճամբարներում գտնվողներին իրենց երկրներ վերադարձնելու ուղղությամբ, և կփորձեն նվազեցնել անվտանգության խնդիրները տարածաշրջանում։
Նշվել է նաև, որ ԱՄՆ զինված ուժերը շարունակում են համագործակցել Սիրիայում գործող արաբա-քրդական ուժերից կազմված «Սիրիայի դեմոկրատական ուժեր» (SDF) –ի հետ, որոնց Անկարան համարում է ահաբեկչական:
ԱՄՆ բարձրաստիճան զինվորականի այցը հայտնվել է թուրքական իշխանամետ լրատվամիջոցների ուշադրության կենտրոնում և առաջացրել դժգոհություն:
