Դիետոլոգը թվարկել է մթերքներ, որոնք արագ քաշի ավելացում են հրահրում
Life.ru-ին տված հարցազրույցում մասնագետը պարզաբանել է, որ հյութերը պարունակում են մեծ քանակությամբ ածխաջրեր՝ 10-ից 15 գ՝ 100 գ հյութի դիմաց, ինչը կազմում է մոտ երկու-երեք թեյի գդալ շաքարավազ։ Հյութի միջին չափաբաժինը 350 գ է, ուստի այն կարող է պարունակել մինչև 10 թեյի գդալ շաքար։ Այս քանակությունը հրահրում է արագ քաշի ավելացում և տարբեր առողջական խնդիրներ։
Բացի դրանից, մասնագետը հորդորել է զգուշությամբ օգտագործել սառեցված սմուզիները, որոնք պարունակում են նաև մեծ քանակությամբ ածխաջրեր, այդ թվում՝ պարզ շաքարներ։
Ըստ shantnews-ի՝ մասնագետը նշել է նաև սուշին, որը մեծ քանակությամբ բրինձ է պարունակում: Ըստ նրա` ավելի լավ է այն առավոտյան օգտագործել:
Ըստ Տիխոմիրովայի` այնպիսի ուտեստներ, ինչպիսիք են սոուսով մակարոնեղենը, լազանյան, մակարոնեղենը, փլավը, կարող են հանգեցնել քաշի ավելացման։ Այս համակցությունները բարձր ածխաջրեր են:
Նախաճաշերը, ինչպիսիք են հացահատիկները, մյուսլին և այլ արագ նախաճաշերը, նույնպես վնասակար են կազմվածքի համար, հատկապես, երբ համակցված են հյութի հետ:
Մասնագետը նաև կոչ է արել սահմանափակել գրանոլայի օգտագործումը, որը պարունակում է մեծ քանակությամբ ընկույզ և մեղրով տապակած փաթիլներ, որոնք այն դարձնում են բարձր կալորիականությամբ։
Ըստ Տիխոմիրովայի՝ այս բոլոր մթերքները կարող են քաշի ավելացման պատճառ դառնալ, եթե դրանք շատ օգտագործվեն։
