Կառավարությունը 120 միլիոն դրամի գնում է արել «Տոյոտա Երևան» ՍՊԸ-ից
Բարձր տեխնոլոգիական արդյունաբերության նախարարությունը դարձել է հերթական պետական գերատեսչությունը, որը միլիոնավոր դրամների մեկ անձից գնում է կատարել «Տոյոտա Երևան» ընկերությունից։
Ըստ «Տոյոտա Երևան» ՍՊԸ-ի և ԲՏԱ նախարարության միջև կնքված պայմանագրի՝ նախարարությունը 59 միլիոն 200 հազար դրամով այս ընկերությունից գնել է 4 մինիվեն՝ յուրաքանչյուրի արժեքը մոտ 15 միլիոն դրամ։
Հիշեցնենք, որ մեկ ամիս առաջ էլ «Տոյոտա Երևան» ՍՊԸ-ի հետ մեկ անձից գնման պայմանագիր էր կնքել Ներքին գործերի նախարարությունը. պայմանագրի արժեքը՝ 60 միլիոն դրամ։
Այդքան գումարով ընկերությունն իրականացրել է Ոստիկանության մեքենաների նորոգման աշխատանքները։
