Հոգեբանը` երեխայի մոտ խաղային կախվածության նշանների մասին
Խաղային կախվածությունը նույնն է, ինչ կախվածությունը թմրանյութերից կամ ալկոհոլից: Երեխայի անառողջ վարքը կարող է մատնանշվել այնպիսի նշաններով, ինչպիսիք են՝ խաղային ժամանակի անընդհատ ավելացումը, սոցիալական կապերի կորուստը և այլն: Այս մասին, ըստ shantnews-ի՝ Lente.ru-ին հայտնել է հոգեբան Եվգենյա Մորոզովան։
«Կախվածությունը տարբերվում է սովորական խաղից նրանով, որ կյանքի բոլոր ոլորտները փլուզվում են, և խաղը դառնում է մարդու կյանքի կենտրոնը»,- ասել է հոգեբանը։
Ըստ մասնագետի՝ կախվածությունը դրսևորվում է նաև նրանով, որ ընկերների, դասընկերների, ընտանիքի հետ շփումն անհետաքրքիր է դառնում։
«Շատ դժվար է դառնում երեխային շեղել խաղից նույնիսկ մի քանի րոպեով։ Նա չի շփվում, դժվար է լինում նրա հետ կապ հաստատել։ Նա ոչ մի խնդրանք չի կատարում։ Այսպիսով, երեխան կարող է արձագանքել հիմնականում բացասական մտքերով և զգացմունքներով»,- ասել է հոգեբանը:
Ինչպես ցանկացած կախվածություն, մոլախաղը, ըստ Մորոզովայի, հենց այնպես չի լինում։ Դրան, որպես կանոն, կարող են նախորդել ընտանիքում կամ դպրոցում առկա խնդիրները։ Երբ երեխան ծանր սթրեսի մեջ է, նա հոգեբանական տրավմա է ունենում։ Այստեղ խաղը նրա համար դառնում է «հոգեկան անզգայացում»։
«Այսպես, երեխային ավելի ու ավելի շատ է ձգում խաղը: Խաղային կախվածության զարգացումը կանխելու համար երեխայի հետ պետք է շատ խոսել։ Կարևոր է մասնակցել նրա կյանքին և միշտ լինել այնտեղ, աջակցել նրան և սթրեսային իրավիճակներ չստեղծել»,- խորհուրդ է տալիս հոգեբանը։
Եթե ծնողը ինչ-ինչ պատճառներով չի կարողանում ինքնուրույն գլուխ հանել, Մորոզովան հորդորում է ժամանակին դիմել հոգեբանի՝ խուսափելու նման կախվածությունից:
