Կոկորդի ցավի դեպքում պետք չէ չարաշահել պաղպաղակը
Պաղպաղակը կարող է բարդություններ առաջացնել կոկորդի ցավով մարդկանց մոտ։ Այս մասին շաբաթ օրը՝ հունիսի 10-ին, «ՌԻԱ Նովոստիին» հայտնել է Ռոսպոտրեբնադզորի համաճարակաբանության կենտրոնական գիտահետազոտական ինստիտուտի կլինիկական և վերլուծական աշխատանքների գծով փոխտնօրեն Նատալյա Պշենիչնայը։
«Պաղպաղակը սառեցնում է նշագեղձերի բորբոքված հյուսվածքը, նվազեցնում է կոկորդի այտուցը և նվազեցնում ցավը։ Բայց միաժամանակ կարող է առաջանալ արյան հոսքի խախտում, ինչը կբարձրացնի բորբոքման նոր օջախի վտանգը»,- shantnews-ի փոխանցմամբ՝ պարզաբանել է նա։
Կոկորդի ցավը վերացնելու համար մասնագետը խստորեն խորհուրդ է տվել օգտագործել ոչ թե պաղպաղակ, այլ դեղամիջոցներ։
Անգինայի դեպքում հատկապես վտանգավոր կարող են լինել սառը աղանդերը։ Բանն այն է, որ այս հիվանդությանը բնորոշ է նշագեղձերի թարախային բորբոքումը, որն առաջանում է ստրեպտոկոկերից, իսկ դրանք էլ իրենց հերթին շաքարավազ են «շատ սիրում»։
«Այս դեպքում պաղպաղակը օգուտ կբերի ստերպտոկոկերին և կվնասի մարդու օրգանիզմին, նույնիսկ եթե որոշ ժամանակով մեղմացնի ցավը»,- եզրափակել է Պշենիչնայան։
