Պերուում զառիվայրից միկրոավտոբուս է ընկել. կա 10 զոհ, 9 վիրավոր
Պերուի արևմուտքում գտնվող Անկաշի նահանգում առնվազն 10 մարդ է զոհվել զառիվայրից միկրոավտոբուսի ընկնելու հետևանքով: Այդ մասին տեղեկանում ենք Andina գործակալությունից:
Նշվում է, որ մեքենայում գտնվող ևս 9 ուղևոր վիրավորվել է։ Նրանք տեղափոխվել են մոտակա հիվանդանոց: Ոստիկանությունը չի բացառում, որ ճանապարհատրանսպորտային պատահարի զոհերի թիվը կարող է աճել վնասվածքների ծանրության պատճառով։
Պատահարի պատճառներն առայժմ պարզված չեն։ Ոստիկանության տվյալներով՝ միկրոավտոբուսը զառիվայրից ընկել է, երբ ընթացել է դեպի կամուրջ:
Andina-ն հավելում է, որ փրկարարական աշխատանքներին են միացել նաև վթարի վայրով անցնող այլ մեքենաների ուղևորները և վարորդները:
