G7 և Եվրամիությունն արգելելու են ռուսաստանյան գազի արտահանման վերսկսումը
«Մեծ յոթնյակի» (G7) երկրները և Եվրամիությունն արգելք են դնելու ռուսաստանյան գազի արտահանման վրա այն երթուղիներով, որոնցով Մոսկվան կրճատել է մատակարարումը, գրում է Financial Times-ը՝ վկայակոչելով բանակցություններին մասնակցող պաշտոնական անձանց։
Որոշումը, որ վերջնականապես կընդունվի G7 երկրների կողմից ուրբաթ սկսվող Հիրոսիմայի գագաթնաժողովում, կանխելու է ռուսաստանյան խողովակաշարային գազի արտահանման վերսկսումն այնպիսի երկրներ, ինչպիսիք են Լեհաստանն ու Գերմանիան, դեպի ուր Մոսկվան դադարեցրել է մատակարարումներն անցյալ տարի, գրում է թերթը։
