Այս ամիս Հայաստանի ու Ադրբեջանի ԱԳ նախարարները կհանդիպեն Ռուսաստանում. Ալիև
Մայիսին Հայաստանի ու Ադրբեջանի ԱԳ նախարարները կհանդիպեն Ռուսաստանում: Այս մասին հայտնում է Gazeta.ru-ն՝ հղում անելով РИА Новости-ին: Հանդիպման մասին հայտարարել է Ադրբեջանի նախագահ Իլհամ Ալիևը:
«Երկու երկրների՝ Հայաստանի և Ադրբեջանի նախարարների բանակցությունների հաջորդ փուլը պետք է տեղի ունենա այս ամիս Ռուսաստանում»,- ասել է Ալիևը Շուշիում կայացած համաժողովի ընթացքում:
Նա օգտակար և անհրաժեշտ է անվանել Երևանի և Բաքվի միջև ուղիղ բանակցությունները։ «Կարծում եմ, որ մենք պետք է շարունակենք շարժվել այս ուղղությամբ»,- ասել է Ալիևը: Նա նաև հույս է հայտնել, որ ԱՄՆ-ում Ադրբեջանի և Հայաստանի արտգործնախարարությունների ղեկավարների բանակցությունները գոնե տեսանելի առաջընթաց կբերեն։
