Իրանի խորհրդարանը պաշտոնանկ է արել երկրի արդյունաբերության, հանքերի և առևտրի նախարարին
Իրանի խորհրդարանը պաշտոնանկ է արել երկրի արդյունաբերության, հանքերի և առևտրի նախարար Ռեզա Ֆաթեմի Ամինին կիրակի օրը տեղի ունեցած անվստահություն հայտնելու նիստում, որը վարել է օրենսդիր մարմնի նախագահը՝ Մոհամմադ Բաղեր Ղալիբաֆը։ Այս մասին գրել է պետական Mehr գործակալությունը։
Խորհրդարանի 162 պատգամավոր դեմ է քվեարկել Ֆաթեմի Ամինին, իսկ նրա օգտին քվեարկել է 102 պատգամավոր: Երկու պատգամավոր ձեռնպահ է քվեարկել։
Իրանի Սահմանադրության համաձայն՝ օրենսդիրները կարող են իմփիչմենտի ենթարկել նախարարներին, երբ նրանք դա անհրաժեշտ գնահատեն։ Իմպիչմենտի միջնորդություն կարող է ներկայացվել, երբ այն ունի առնվազն 10 ստորագրություն։
Իրանի նախագահ Էբրահիմ Ռաիսին նույնպես մասնակցել է իմփիչմենտի նիստին՝ պաշտպանելու իր նախարարին։
