ԱՆԻՖ-ի, «Էյր Արաբիա»-ի և «Ֆլայ «Արնա»-ի ղեկավարները քննարկել են ավիաընկերության զարգացմանը վերաբերող հարցեր
Հայաստանի պետական հետաքրքրությունների ֆոնդի (ԱՆԻՖ) գործադիր տնօրեն, Հայաստանի ազգային ավիափոխադրող «Ֆլայ Արնա» ավիաընկերության խորհրդի նախագահ Դավիթ Փափազյանն աշխատանքային հանդիպում է ունեցել «Էյր Արաբիա» ընկերության գլխավոր գործադիր տնօրեն Ադել Ալ Ալիի և «Ֆլայ Արնա»-ի գործադիր տնօրեն Էնթոնի Փրայսի հետ:
Այս մասին հայտնեցին Հայաստանի պետական հետաքրքրությունների ֆոնդից։
Հանդիպման ընթացքում քննարկվել են ԱՆԻՖ-ի և «Էյր Արաբիա» խմբի համատեղ ձեռնարկություն հանդիսացող «Ֆլայ Արնա» ավիաընկերության զարգացման հետ կապված հարցեր:
Այդ համատեքստում կարևորվել է ուղևորների սպասարկման որակի շարունակական բարելավումը և չվերթների աշխարհագրության ընդլայնումը:
