Արցախի ԱԳ նախարարն այցելել է «Եռաբլուր» պանթեոն
Արցախի Հանրապետության ԱԳ նախարար Սերգեյ Ղազարյանն այսելել է «Եռաբլուր» զինվորական պանթեոն։ Այս մասին հայտնում են Արցախի Հանրապետության արտգործնախարարության տեղեկատվության և հասարակայնության հետ կապերի վարչությունից։
«Շրջափակման պատճառով Հայաստանի Հանրապետությունում գտնվող Արցախի Հանրապետության արտաքին գործերի նախարար Սերգեյ Ղազարյանը Ղարաբաղյան շարժման 35-ամյակի կապակցությամբ Արցախի ժողովրդի և իշխանությունների անունից «Եռաբլուր» զինվորական պանթեոնում ծաղկեպսակ է տեղադրել Արցախյան ազգային-ազատագրական պայքարի ընթացքում Հայրենիքի անկախության ու ազատության համար անմահացած հայորդիների հիշատակին», – ասված է հաղորդագրության մեջ։
