Պահակը դպրոցի շինարարության համար նախատեսված շինանյութը գողացել էր
Նոյեմբերի 3-ին սահմանափակ պատասխանատվության մի ընկերությունից ոստիկանության Աշտարակի բաժին հաղորդում է ստացվել, որ սեպտեմբերի 1-ից նոյեմբերի 3-ն ընկած ժամանակահատվածում անհայտ անձը գողացել է Օհանավան համայնքի դպրոցի շինարարության համար նախատեսված ցեմենտ, ավազ և եվրոպատուհաններ:
Բաժնի քրեական հետախույզները, իրացնելով օպերատիվ տվյալները, Օհանավան համայնքի տներից մեկում հայտնաբերել, ձերբակալել և բաժին են տեղափոխել նույն ընկերության պահակին:
64-ամյա օհանավանցին խոստովանել է, որ հոկտեմբերի կեսերին ինքն է գողացել ընկերությանը պատկանող շինանյութն ու եվրոպատուհանները և տեղափոխել իր բնակության հասցե:
Նախապատրաստված փաստաթղթերն ուղարկվել են Արագածոտնի մարզային քննչական վարչություն:
