Հայ-ադրբեջանական սահմանին տիրող իրավիճակի հարցով ՀԱՊԿ նիստը կկայանա նոյեմբերի 23-ին Երևանում
ՀԱՊԿ Հավաքական անվտանգության խորհուրդը, որտեղ երկրների ղեկավարները կքննարկեն Հայաստանին օգնության տրամադրումը, նախատեսված է նոյեմբերի 23-ին Երևանում, հայտնել են կազմակերպությունից։
«Բելառուսի նախագահը հանդիպել է ՀԱՊԿ գլխավոր քարտուղարի հետ։ Կողմերը քննարկել են կազմակերպության պատասխանատվության ոլորտում ստեղծված իրավիճակը, այդ թվում՝ հոկտեմբերի 28-ին կայացած ՀԱՊԿ Հավաքական անվտանգության խորհրդի արտահերթ նիստի արդյունքները։ Ստանիսլավ Զասը Ալեքսանդր Լուկաշենկոյին տեղեկացրել է նոյեմբերի 23-ին Երևանում կայանալիք ՀԱՊԿ Հավաքական անվտանգության խորհրդի հաջորդ նիստի նախապատրաստման, ինչպես նաև Հավաքական անվտանգության խորհրդի մի շարք անհատական հանձնարարականների կատարման մասին»,- ասվում է կազմակերպության Telegram ալիքում:
Ավելի վաղ հաղորդվել էր, որ նիստը տեղի կունենա նոյեմբերի վերջին, կքննարկվի հայ-ադրբեջանական սահմանին տիրող իրավիճակը։
