ԱՄՆ-ն պատժամիջոցներ է սահմանել Իրանի 14 պաշտոնյաների և երեք կազմակերպությունների նկատմամբ
ԱՄՆ իշխանությունները պատժամիջոցներ են սահմանել Իրանի 14 պաշտոնյաների և երեք կազմակերպությունների դեմ, որոնք, ըստ Վաշինգտոնի, պատասխանատու են երկրում բողոքի ցույցերը ճնշելու համար։ Այս մասին հայտնում է ՏԱՍՍ-ը՝ վկայակոչելով ԱՄՆ Պետդեպարտամենտի տարածած հայտարարությանը:
«Միացյալ Նահանգները հավատարիմ է աջակցելու Իրանի ժողովրդին և երաշխավորելու, որ Իրանում շարունակվող համազգային ցույցերի դաժան ճնշման համար պատասխանատուները պատասխանատվության ենթարկվեն: Այսօր մենք հայտարարում ենք 14 ֆիզիկական և երեք իրավաբանական անձանց նկատմամբ Պետական դեպարտամենտի և ֆինանսների նախարարության համատեղ գործողությունների մասին», – ասվում է նախարարության հայտարարության մեջ։
