ՌԴ պաշտպանության նախարարությունը հերքել է վարչապետի հայտարարությունը. Նիկոլ Փաշինյանը խաբել է․ «Ժողովուրդ»
«Ժողովուրդ» օրաթերթը գրում է. «Իր վարչապետության չորս տարիներին Նիկոլ Փաշինյանը ոչ միայն տեղական մակարդակում է մանիպուլացրել հասարակությանը, այլ նաեւ ասել ստեր, որոնք հերքվել են, օրինակ, ՌԴ-ի կողմից։
Մասնավորապես, 2020 թվականի դեկտեմբերի 16-ին ՀՀ վարչապետ Նիկոլ Փաշինյանը Ազատություն ռադիոկայանի եթերում ասել էր, թե Լեռնային Ղարաբաղում ադրբեջանցիների կողմից շրջափակման մեջ են մնացել նաեւ ռուս խաղաղապահները:
ՌԴ ՊՆ-ն, սակայն, հերքել է Նիկոլ Փաշինյանի խոսքերը եւ ասել՝ Լեռնային Ղարաբաղում ռուս խաղաղապահներ չեն մնացել շրջափակման մեջ։
«Ռիա Նովոստի» գործակալության հաղորդմամբ` Ռուսաստանի պաշտպանության նախարարությունն է հերքել ՀՀ վարչապետի հայտարարությունը»:
