Այս պահին նռնակով քաղաքացին Մասիսի քաղաքապետարանի շենքում է
Քիչ առաջ հայտնի դարձավ, որ ոստիկանները շրջափակել են Մասիսի քաղաքապետարանի շենքը:
Մեր աղբյուրի փոխանցմամբ՝ նռնակով զինված քաղաքացին մուտք է գործել քաղաքապետարանի շենք:
Զինված անձը նռնակ է նետել քաղաքապետի աշխատասենյակից և այս պահին անկանոն կրակոցներ է արձակում:
Ներսում բացի պահակից այլ աշխատակիցներ չկան:
Լրացում.
Քաղաքապետարանի աշխատակիցներից մեկի հավաստմամբ, քաղաքապետ Դավիթ Համբարձումյանը մինչ այսօր գտնվել է արձակուրդում և քաղաքապետարանի շենքում չի եղել դեպքի պահին:
Քաղաքապետարան ներխուժած 36-ամյա երիտասարդը՝ Էդգար Մարգարյանը, մասիսիցիների պնդմամբ, նախկինում եղել է ավագանու անդամ:
