Տրավերտինի ապօրինի արդյունահանում՝ Արարատի մարզում

Բնապահպանության և ընդերքի տեսչական մարմնի Արարատի տարածքային բաժնի աշխատակիցները վերահսկողական կանխարգելիչ միջոցառումների արդյունքում Արարատի մարզի Վեդի համայնքի Գոռավան վարչական շրջանում հայտնաբերել են տրավերտինի ապօրինի արդյունահանման դեպք։

Պարզվել է, որ գործունեություն ծավալող ընկերությունը դեռևս 2018 թվականի հունվարից չունենալով արդյունահանման թույլտվություն, փաստացի իրականացրել է ընդերքօգտագործում։

Տեսչական մարմնից հայտնում են, որ նյութերն ուղարկվել են իրավապահ մարմիններին։