Համաշխարհային տերությունների միջև կոնֆլիկտի վտանգը մեծացել է. Մարկ Միլի
ԱՄՆ Զինված ուժերի շտաբների պետերի կոմիտեի նախագահ, գեներալ Մարկ Միլին շաբաթ օրը հայտարարել է, որ մեծ տերությունների միջև մեծ հակամարտությունների վտանգը մեծացել է։
«Այժմ մենք բախվում ենք երկու համաշխարհային տերությունների՝ Ռուսաստանին և Չինաստանին: Այս երկրներից յուրաքանչյուրն ունի զգալի ռազմական ներուժ և վճռական է փոխել ներկայիս կանոնների վրա հիմնված կարգը», – պնդել է Միլին՝ Վեսթ Փոյնթի ռազմական ակադեմիայի շրջանավարտների հետ զրուցելիս:
«Միացյալ Նահանգները մտնում է մի աշխարհ, որը դառնում է ավելի անկայուն: Աշխարհը, որտեղ դուք շրջում եք, մեծ տերությունների միջև մեծ միջազգային հակամարտությունների ներուժ ունի», – ասել է նա: «Այդ ներուժն աճում է, այլ ոչ թե նվազում»:
