Թուրքական ASELSAN-ը 32 մլն-ոց համաձայնագիր է կնքել միջազգային պատվիրատուի հետ
Թուրքական ռազմարդյունաբերական ոլորտի ամենախոշոր ընկերությունը՝ «ASELSAN»-ի և արտասահմանյան պատվիրատուի միջև, որի անունը չի հրապարակվում, կնքվել է համաձայնագիր հակաօդային պաշտպանության համակարգերի (ՀՕՊ) պահեստամասերի մատակարարման վերաբերյալ: Այս մասին տեղեկացնում է ermenihaber.am-ը։
Նշվում է, որ ավելի քան 35մլն դոլարանոց պայմանագիրը նաև ներառում է վերապատրաստման դասընթացներ: Իսկ պահեստամասերի առաքումը կիրականացվի մաս-մաս մեկուկես տարվա ընթացքում։
Ուշագրավ է, որ թեմային անդրադարձած թուրքական լրատվամիջոցները չեն մանրամասնում, թե ով է պատվիրատուն:
