Բելառուսական Գոմել քաղաքը որպես բանակցությունների վայր ընտրել է ուկրաինական կողմը. Պեսկով
Բելառուսի Գոմել քաղաքը որպես բանակցությունների վայր ընտրել է ուկրաինական կողմը։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, հաղորդում է ՏԱՍՍ գործակալությունը:
«Գոմել քաղաքը որպես բանակցությունների հարթակ առաջարկվել է ուկրաինական կողմից: Ռուսական պատվիրակությունը պատրաստ է այդ բանակցություններին»,- ասել է Պեսկովը:
Պեսկովը նշել է նաև, որ Ուկրաինայի հետ բանակցություններում ռուսական պատվիրակությունը գլխավորում է ՌԴ նախագահի օգնական Վլադիմիր Մեդինսկին, ով շուտով հանդես կգա համապատասխան հայտարարությամբ:
