Խարկովի մարզում Ուկրաինայի զինված ուժերի հրթիռային գունդը կամավոր վայր է դրել զենքերը. ՌԴ ՊՆ ներկայացուցիչ
Ռուսաստանի Դաշնության պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը հայտարարել է ուկրաինացի զինվորականների կողմից ռազմական գործողությունները շարունակելու զանգվածային հրաժարման մասին։ Մասնավորապես, նրա խոսքով, Խարկովի մարզում զենիթահրթիռային գունդը կամավոր վայր է դրել զենքերը։ Այս մասին հաղորդում է ՏԱՍՍ գործակալությունը:
«Հատուկ ռազմական գործողության ընթացքում ուկրաինացի զինծառայողների կողմից ռազմական գործողությունները շարունակելու զանգվածային մերժման գործընթացը շարունակվում է»,- ասել է Կոնաշենկովը։
ՌԴ ՊՆ պաշտոնական ներկայացուցչի խոսքով՝ շաբաթ օրը Խարկովի մարզում Ուկրաինայի Զինված ուժերի 302-րդ զենիթահրթիռային գունդը կամավոր վայր է դրել զենքերը և հանձնվել։
