Իսրայելի բանակն անորոշ ժամկետով հետաձգել է ԱՄՆ-ի հետ համատեղ ՀՀՊ-ի վարժանքները
Իսրայելի պաշտպանության բանակը փետրվարի 7-ին հայտնել է 2022 թվականի մարտին պլանավորված ԱՄՆ-ի հետ համատեղ Juniper Cobra հակահրթիռային պաշտպանության ընդգրկուն վարժանքների անորոշ ժամկետով հետաձգման մասին՝ «մի շարք նկատառումներով»: Համապատասխան հայտարարությունը տարածել է բանակի մամուլի ծառայությունը։
«Juniper Cobra համատեղ միջազգային վարժանքները, որոնք պետք է Իսրայելի եւ ԱՄՆ-ի զինված ուժերի մասնակցությամբ տեղի ունենային մարտ ամսին, հետաձգվել են մի շարք նկատառումներով եւ կանցկացվեն ավելի ուշ, ինչի մասին կհայտարարվի լրացուցիչ»,- ասված է հայտարարության մեջ, հաղորդել է ՏԱՍՍ-ը:
