Պալմա կղզու օդանավակայանը հրաբխի պատճառով դադարեցրել է աշխատանքը
Պալմա կղզու վրա գտնվող օդանավակայանը դադարեցրել է աշխատանքը ժայթքած հրաբխի արձակած մոխրի կուտակումների հետևանքով: Այս մասին հայտնում է ՏԱՍՍ-ը:
Հրաբխի ժայթքումը սկսվել է սեպտեմբերի 19-ից: Լավայի հոսքերը ոչնչացրել են ավելի քան 2500 շինություն: Անվտանգության նկատառումներից ելնելով՝ կղզուց տարհանվել էր շուրջ 7 հազար մարդ:
Վերջին շրջանում Պալմա կղզու վրա սեյսմիկ ակտիվություն է նկատվոմ: Մասնավորապես, գրանցվել են 5.1 մագնիտուդը չգերազանցող հարյուրավոր երկրաշարժեր:
