Ստեփանակերտ-Շուշի-Բերձոր միջպետական ճանապարհը երկկողմանի բաց է. ՆԳՆ
Տեղեկացնում ենք, որ Ստեփանակերտ-Շուշի-Բերձոր միջպետական ճանապարհը երկկողմանի բաց է։ Այս մասին կրկին փոխանցում է ԱՀ ներքին գործերի նախարարության մամուլի ծառայությունը։
«Ազատ ու անվտանգ երթևեկը կապահովվի ռուսական խաղաղապահ զորակազմը: Հայկական ու ադրբեջանական կողմերի միջև տեղի ունեցած միջադեպի մասին ԱՀ ոստիկանությունը քիչ հետո կտրամադրի հավելյալ տեղեկություն»,- ասված է հաղորդագրության մեջ։
Հիշեցնենք, որ նույն աղբյուրի փոխանցմամբ, այսօր առավոտյան հայկական և ադրբեջանական կողմերի միջադեպի պատճառով Ստեփանակերտ-Շուշի-Բերձոր միջպետական ճանապարհը երկկողմանի ժամանակավորապես փակ էր։
