Վրաստանի և Թուրքիայի միջև համատեղ զորավարժություններ են սկսվել Ջավախքում
Վրաստանի և Թուրքիայի սահմանապահները համատեղ վարժանքներ են անցկացրել Ջավախքի շրջանի «Վալե» սահմանային հատվածի տարածքում։ Այս մասին հաղորդագրություն է հրապարակել Վրաստանի ներքին գործերի նախարարությունը։ Այս մասին տեղեկացնում է ermenihaber.am-ը։
«Վալե»-ն Վրաստանի և Թուրքիայի միջև անցակետերից մեկն է։ Զորավարժություններին մասնակցել են Վրաստանի սահմանային ոստիկանության Ախալցխայի վարչության և Թուրքիայի զինված ուժերի 25-րդ բրիգադի մարտավարական խմբերը։
Նշվում է, որ վարժանքների նպատակն է բարձրացնել երկու երկրների միջև սահմանների անվտանգությունը։
Սցենարով երկու իրավիճակ էր նախատեսված՝ անօրինական միգրանտների կալանավորում և պետական սահմանով խոշոր եղջերավոր անասունների ապօրինի տեղափոխման կանխում:
