Անտոնիո Կոնտեն` «Տոտենհեմ»-ի գլխավոր մարզիչ
Անգլիական «Տոտենհեմ» ֆուտբոլային ակումբը նոր գլխավոր մարզիչ ունի: Այս մասին գրում է «Տոտենհեմ»-ի մամուլի ծառայությունը: Լոնդոնյան ակումբն այսուհետ կմարզի իտալացի մասնագետ Անտոնիո Կոնտեն: Պայմանագիրը նախատեսված է մինչև 2023 թվականը:
«Ուրախ եմ, որ վերադառնում եմ մարզչական աշխատանքի և նորից Պրեմիեր լիգայում: Անհամբեր եմ աշխատանքի անցնելուն և վճռական եմ տրամադրված»,-ասել է մասնագետը:
Ավելի վաղ, «Տոտենհեմ»-ը գլխավոր մարզչի պաշտոնից հեռացրել էր Նունու Սանտուին:
