Ըմբիշ Դավիթ Օվասապյանը կպայքարի երիտասարդների աշխարհի չեմպիոնի կոչման համար
Հայաստանի հունա-հռոմեական ոճի ըմբշամարտի երիտասարդական հավաքականի անդամ Դավիթ Օվասապյանը դուրս է եկել աշխարհի առաջնության եզրափակիչ: 130 կգ քաշային կարգի եզրափակիչում նա կմրցի Իրանից Ամին Միրզազադեհի հետ:
Հայաստանի մյուս ներկայացուցիչներից 63 կգ քաշային Հրաչյա Պողոսյանը սփոփիչ գոտեմարտեր կանցկացնի և միայն հաղթանակների դեպքում կպայքարի բրոնզե մեդալի համար:
Պայքարից դուրս են մնացել Աշոտ Մխիթարյանը (55 կգ), Սամվել Գրիգորյանը (77 կգ) և Գևորգ Թադևոսյանը (87 կգ):
