Մեքիսկական լեգենդար կարամելային սոուս՝ Կախեթա

Բաղադրիչներ

1. Կաթ – 2 բաժակ

2. Շաքարավազ – 1/3 բաժակ

3. Աղ – 1 պտղունց

4. Սոդա – 1/5 ճ/գ

5. Դարչին (փայտիկ) – 1 հատ

6. Վանիլին – 1/5 թ/գ

Պատրաստման եղանակը

1. Հաստ հատակով կաթսայի մեջ խառնել բոլոր բաղադրիչները, բացի սոդայից: Իդեալականը այծի կաթից պատրաստված սոուսն է, բայց կովի կաթով նույնպես շատ համեղ է ստացվում:

2. Զանգվածը հասցնել եռման: Հենց եռա, վերցնել կրակից և ավելացնել սոդան: Զանգվածը կսկսի փրփրալ, բայց հետո կնստի: Եվս 40 րոպե դնել ցածր կրակի վրա: Ժամանակ առ ժամանակ խառնել փայտե գդալով:

3. 20-25 րոպե հետո խառնուրդը կսկսի պնդանալ և ընդունել ոսկեգույն երանգ: Այդ փուլում զանգվածից հանել դարչինը:

4. 40 րոպե հետո պետք է ստացվի պինդ սոուս: Սոուսը լցնել բանկաների մեջ և սառեցնել:

Պատրաստեց Անի Գաբուզյանը