ԱՄՆ-ում ավազե քանդակների միջազգային մրցույթ է անցկացվել
![](https://168.am/wp-content/uploads/2021/07/2c4ec745_3661_4b2e_a845_834911fb5bc5_sandcastleshamptonbeachwinners621_falcigno_12_v2.thumb_.jpg)
ԱՄՆ-ի Նյու Հեմփշիր նահանգի լողափերից մեկում օրերս անցկացվել է ավազե քանդակների միջազգային մրցույթ, որին մասնակցել են աշխարհի լավագույն քանդակագործները, գրում է UPI-ն։
Կանադացի քանդակագործ Էյբ Ուոթերմանը, որը նախորդ տարի մրցույթում գրավել էր 2-րդ հորիզոնականը, այս տարի իր «Դատարկ» կոչվող արձանով զբաղեցրել է պատվավոր առաջին հորիզոնականը և 6000 դոլարի չափով մրցանակ ստացել։
«Քանդակի դիզայնը մշակել եմ մոտ մեկուկես տարի առաջ՝ կնոջիցս բաժանվելուց հետո։ Ցավոք, դատարկության զգացումը ժամանակ առ ժամանակ շարունակում է այցելել ինձ»,- հայտնել է կանադացի քանդակագործը։
Նշվում է, որ 2020-ին առաջին հորիզոնականը զբաղեցրած քանդակագործն այս տարի իր «Փյունիկը վեր է հառնում» ավազե քանդակով զբաղեցրել է 2-րդ հորիզոնականը՝ ստանալով 4000 դոլարի չափով մրցանակով։