Կոմպոզիտորական արվեստի 12-րդ փառատոնին Սիմֆոնիկը կհնչեցնի Սպենդիարյանի և Երկանյանի գործերը
Հայ կոմպոզիտորական արվեստի 12-րդ փառատոնի շրջանակում մայիսի 17-ին «Արամ Խաչատրյան» համերգասրահում երաժշտասերները հնարավորություն կունենան ունկնդրելու Ալեքսանդր Սպենդիարյանի, Երվանդ Երկանյանի ստեղծագործությունները:
Երեկոյին կհնչեն Սպենդիարյանի Կոնցերտային վալսը, Կոնցերտային նախերգանքը, «Երեք արմավենի» սիմֆոնիկ պատկերը և Երկանյանի Թիվ 7 սիմֆոնիան:
Համերգը կղեկավարի Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը:
