Ալկոհոլից հրաժարվելը կարող է երկարացնել կյանքը մոտ 30 տարով
Ալկոհոլից հրաժարվելը կարող է կյանքը երկարացնել 28 տարով: Այս մասին հայտնում է Express թերթը՝ վկայակոչելով Շվեդիայի Կարոլինսկայի ինստիտուտի հետազոտական տվյալները:
Դանիայում, Ֆինլանդիայում և Շվեդիայում ալկոհոլամոլների կյանքի 20 տարվա դիտարկումները ցույց են տվել, որ այս խմբի ներկայացուցիչների մահացությունը տարբեր հիվանդություններից նկատելիորեն բարձր է, քան չխմողների շրջանում:
Միջին հաշվով, ալկոհոլային կախվածություն ունեցող մարդկանց կյանքի տևողությունը կրճատվել է 28 տարով:
Նշվում է, որ ալկոհոլային խմիչքների օգտագործումը բացասաբար է ազդում ուղեղի, սրտանոթային համակարգի և լյարդի գործունեության վրա:
