Խաղաղապահները Արցախում վերականգնում են Հայրենական մեծ պատերազմում զոհվածների հուշարձանները
Ռուսաստանյան խաղաղապահների նախաձեռնությամբ Արցախում անցկացվում է Հայրենական մեծ պատերազմի հուշարձանների բարեկարգման աշխատանքներ:
Այս մասին հայտնում են ՌԴ պաշտպանության նախարարությունից։
«Այս ակցիան անցկացնում են Արցախում ռուսաստանյան խաղաղապահ զորախմբի մարդասիրական արձագանքման կենտրոնի զինծառայողները՝ Մարտակերտի, Մարտունու և Ասկերանի շրջանների վարչակազմերի հետ փոխգործակցությամբ: Նորագյուղ բնակավայրում, ուր այդ առաքելությամբ են ժամանել ռուսաստանյան խաղաղապահ զորախմբի հումանիտար արձագանքման կենտրոնի զինծառայողները, կա 60-ական թվականների հուշարձան: Այդ գյուղից ռազմաճակատ մեկնած ավելի քան 90 տղամարդ իրենց կյանքը տվել են հանուն խորհրդային ժողովրդի ազատության»,- տեղեկացնում են ՌԴ ՊՆ-ից։
Ռուս խաղաղապահները Նորագյուղի բնակիչների հետ համատեղ իրականացրել են ցանկապատի վերականգնման և ներկման, տարածքի մաքրման և հենց հուշարձանի մաքրման աշխատանքներ:
«Այս ակցիան իրականացնելու միտքն առաջացել է այն պատճառով, որ Արցախի տարածքում գտնվող մի շարք հուշարձաններ վերականգնման կամ վերականգնման կարիք ունեն։ Հետագայում այս ակցիան կտևի մինչև Մեծ հաղթանակի 76-րդ տարելիցը»,- այս մասին հայտնել է Մարդասիրական արձագանքման կենտրոնի պետ Իգոր Սիվակովը:
Մարդասիրական արձագանքման կենտրոնը Արցախում հաշվառել է 58 հուշարձան՝ նվիրված 1941-1945 թվականներին ռազմաճակատում ընկած զինվորների հիշատակին։ Այսօրվա դրությամբ դրանցից 29-ն արդեն բարեկարգվել են։
