Սիրիայի ՀՕՊ-ը հակահարված է տվել Իսրայելի հրթիռային գրոհին Համայի նահանգում
Սիրիայի հակաօդային պաշտպանության (ՀՕՊ) միջոցները կարողացել են խոցել այն հրթիռների մեծ մասը, որոնք դեկտեմբերի 25-ին իսրայելական բանակն արձակել էր Համայի նահանգի արեւմտյան մասի ուղղությամբ: Այդ մասին դեկտեմբերի 25-ին հայտնել է Սիրիայի Ռադիոյի եւ հեռուստատեսության գլխավոր տնօրինությունը՝ վկայակոչելով արաբական հանրապետության պաշտպանական գերատեսչության մի աղբյուր:
«Մեր հակաօդային պաշտպանության միջոցները կալանել են թշնաական հրթիռները եւ խոցել դրանց մեծ մասը»,- ասված է հաղորդագրության մեջ:
Աղբյուրի տվյալներով՝ հարվածը հասցվել է Լիբանանի օդային տարածությունից:
Ավելի վաղ տիօրինությունը տեղեկացրել էր, որ Սիրիայի հակաօդային պաշտպանության ուժերը պատասխանում են հրթիռակոծությանը Համայի արեւմուտքում: Նշվել է, որ գրոհի օբյեկտ կարող էր լինել գիտահետազոտական կենտրոնը, որը գտնվում է Մասյաֆ քաղաքի մերձակայքում, հաղորդել է ՏԱՍՍ-ը:
