Կասիլիասն աշխատանքի է անցել «Ռեալում»
Մադրիդի «Ռեալի» նախկին դարպասապահ Իկեր Կասիլիասը վերադարձել է մադրիդյան ակումբ:
Իսպանացին ստանձնել է «Ռեալ Մադրիդ» հիմնադրամի գլխավոր տնօրենի օգնականի պաշտոնը:
«Իկեր Կասիլիասը «Ռեալի» լեգենդ է, որը մարմնավորում է մեր ակումբի արժեքները, և մեր պատմության լավագույն դարպասապահը:
«Ռեալը» հպարտ է ողջունել իրենց հիանալի ավագներից մեկին հարազատ պատերի ներսում»,- գրել է «սերուցքայինների» մամուլի ծառայությունը:
Կասիլիասը մայրաքաղաքային ակումբի սան է և իր թիմում խաղացել է 1998-2015 թվականներին, այնուհետև տեղափոխվել է «Պորտու»:
Ամռանը հաղորդվում էր, որ նա կդառնա մադրիդյան ակումբի նախագահի՝ Ֆլորենտինո Պերեսի խորհրդականը:
Սիրարփի Աղաբաբյան
