«Մենք փոխում ենք «Բարսելոնան»»․ Կուման
«Բարսելոնայի» գլխավոր մարզիչ Ռոնալդ Կումանը խոսել է թիմում իրավիճակի մասին:
«Մենք որոշակի բաներ ենք փոխել թիմում և շարունակում ենք դա անել: Մենք շատ երիտասարդ ֆուտբոլիստներ ունենք, որոնք խաղում են, ինչն ավելացնում է անկայունությունը: Դա լավ է ապագայի համար, բայց «Բարսելոնային» անհրաժեշտ է հաղթել, գավաթներ նվաճել:
Մենք ծանր վիճակում ենք: Մեզ ժամանակ է պետք, քանի որ մենք փոխում ենք թիմը, բայց մենք «Բարսելոնան» ենք, ուստի պետք է հաղթենք: Սա դժվար պահ է, և մեզ համար ավելի դժվար է, քան մնացած թիմերի համար»,- ասել է Կումանը:
Սիրարփի Աղաբաբյան
