«Կաթվածահար է եղել Երևանի մետրոպոլիտենի բնականոն երթևեկությունը». Տաթև Խաչատրյան
Այսօր հանրապետության ամբողջ տարածքում անհնազանդության ակցիաներ են իրականացվում: Հիշեցնենք՝ ընդդիմադիր ուժերը ժամանակ էին տվել վարչապետ Նիկոլ Փաշինյանին ինքնակամ հրաժարական տալու մինչև այսօր ժամը 12:00-ը, ինչը, սակայն, տեղի չունեցավ: 168.am-ի հետ զրույցում Երևանի մետրոպոլիտենի մամուլի խոսնակ Տաթև Խաչատրյանն ասաց, որ խաթարվել է նաև Երևանի մետրոպոլիտենի աշխատանքը:
«Քաղաքացիական անհնազանդության ակցիաների շրջանակում խաթարվել է Երևանի մետրոպոլիտենի աշխատանքը: Մի խումբ քաղաքացիներ Գործարանային կայարանում կանգնել են գնացքի դռների արանքում և չեն թողնում, որ գնացքը տեղից շարժվի: Այսպիսով կաթվածահար է եղել Երևանի մետրոպոլիտենի բնականոն երթևեկությունը»,- ասաց Խաչատրյանը:
Նրա խոսքով՝ քանի որ Մետրոպոլիտենը հատուկ պահպանվող տարածք է, անվտանգությունն ապահովում է Ոստիկանությունը:
