Թուրքիայում 304 զինվորականների ձերբակալման օրդեր են տվել Գյուլենի հետ կապերի առնչությամբ
![](https://168.am/wp-content/uploads/2019/06/Gyulen.jpg)
Թուրքական Իզմիրի դատախազությունը 304 զինվորականների, այդ թվում 295-ը՝ գործող, ձերբակալման օրդեր են տվել ընդդիմադիր քարոզիչ Ֆեթհուլլահ Գյուլենի հետ կապեր ունենալու կասկածանքով, որին մեղադրում են պետական հեղաշրջման փորձ կազմակերպելու մեջ: Այդ մասին հաղորդել է Anadolu գործակալությունը:
Հաղորդվում է, որ գործողությունն անցկացվել է Թուրքիայի 50 նահանգներում, 198 մարդ արդեն ձերբակալվել է:
Թուրքիայի իշխանությունները Գյուլենի կազմակերպությանը, որը նրանք անվանում են FETO (ֆեթուլլահականների ահաբեկչական կազմակերպություն), մեղադրում են 2016 թվականի հուլիսին պետական հեղաշրջան փորձին մասնակցության մեջ:
Թուրքիայում խռովությունից հետո ձերբակալվել է ավելի քան 80 հազար մարդ, աշխատանքից հեռացվել կամ ազատվել են շուրջ 150 հազար պետական ծառայողներ, այդ թվում՝ զինվորականներ: Գյուլենն ինքը, որը գտնվում է ԱՄՆ-ում, դատապարտել է հեղաշրջան փորձը եւ հերքել մեղադրանքները, հաղորդել է ՌԻԱ Նովոստին: