«Ռոմա»-«Սասուոլո»․ պայքար առաջատար տեղերի համար
Մրցաշար – Իտալիա, Ա Սերիա
Մարզադաշտ – Օլիմպիկո (Հռոմ)
Ժամ – 18։00
Վերջին տուրում «Սասուոլոն» իր առաջին պարտությունը կրեց մրցաշրջանում, բայց «Ռոման» ի վիճակի կլինի՞ կրկին առանց միավորի թողնել մրցակցին:
«Ռոմա»
«Ռոման» լավագույն կերպով չսկսեց մրցաշարը, բայց ընդհանուր առմամբ, Պաուլո Ֆոնսեկայի թիմը բավականին պատշաճ մակարդակով խաղաց առաջնության մեկնարկային հատվածը: 10-րդ տուրում հռոմեացիները վաստակած 17 միավորով զբաղեցնում են մրցաշարային աղյուսակի վեցերորդ հորիզոնականը՝ հետ մնալով Չեմպիոնների լիգայի գոտուց միայն լրացուցիչ ցուցանիշներով։
Հինգշաբթի օրը «Ռոման» Եվրոպա լիգայում 3:1 հաշվով գերազանցեց «Յանգ Բոյզին» ոչ հիմնական կազմով՝ այդպիսով բարձրանալով աղյուսակի առաջին տեղը և մասամբ վերականգնելով «Նապոլիի» հետ 9-րդ տուրի խաղում ֆիասկոյից (0:4):
«Սասուոլո»
«Սասուոլոն» հիանալի է մրցաշրջանի սկզբում. չնայած մի քանի սխալներին, Ռոբերտո Դե Ջերբիի թիմը գտնվում է Չեմպիոնների լիգայի գոտում: Թիմը, վաստակելով 18 միավոր, աղյուսակի երրորդ տեղում է՝ ընդամենը հինգ միավորով հետ մնալով առաջատարից: «Սասուոլոն» առաջ թողեցին «Ինտերին» վերջին տուրում՝ 0:3 հաշվով պարտությունից հետո, որն առաջինն էր մրցաշրջանում այս թիմի համար:
Վիճակագրություն
- «Ռոման» վերջին երեք հանդիպումներից միայն մեկում է կարողացել հաղթել «Սասուոլոյին»
- Ընթացիկ մրցաշրջանում «Սասուոլոն» ինը խաղում միայն մեկ պարտություն է կրել
- «Սասուոլոն» վերջին չորս արտագնա խաղերից յուրաքանչյուրում առնվազն երկու գոլի հեղինակ է դարձել
«Ռոման» բացահայտ ֆավորիտ է «Սասուոլոյի» հետ խաղի համար, սակայն Նեապոլում 0:4 հաշվով կրած պարտությունը և ընդհանուր առմամբ ոչ այնքան վստահ պաշտպանական խաղը, ինչպես նաև մրցակցի հիանալի մարզավիճակը կասկածի տակ են առնում այս կարգավիճակի արդարացիությունը:
Վերջին տուրում «Սասուոլոն» պարտվեց «Ինտերին», բայց այսօր սա առաջնության միակ ֆիասկոն է, թիմը խաղում է հարձակողական, ինչը կարող է լուրջ խնդիր դառնալ «գայլերի» համար, ովքեր ամենաշատն են գոլերը բաց թողել Ա Սերիայի առաջին վեցյակի ներկայացուցիչներից։
Սիրարփի Աղաբաբյան
