«Արգելել բոլոր լայվերը՝ նախագահներից, վարչապետերից մինչև Երևանում գտնվող ու զինվորական համազգեստ հագած պատգամավոր․․․»
Գեղամ Մանուկյանը ֆեյսբուքյան իր էջում գրում է․ «Մեր երկրում հիմա պետք է ՊՈՂՊԱՏՅԱ քարոզչական, կառավարչական, պետական, քաղաքական մեկ միասնական համակարգ։ Արգելել բոլոր լայվերը՝ նախագահներից, վարչապետերից մինչեւ Երեւանում գտնվող ու զինվորական համազգեստ հագած պատգամավոր, դադարեցնել պարգեւատրումներն ու կոչումների շնորհումը։
Տեղեկատվության միասնական մեկ աղբյուր ու առանց պաթոսի, բոլոր պաշտոնյաներին քշել իրենց աշխատասենյակներ՝ ԱԺ նախագահից, փոխվարչապետից մինչեւ մարզպետ ու համայնքապետ, առանց պարգեւավճարի կատարելու ԻՐԵՆՑ պարտավորությունները։
Ընտանիքի անդամներին՝ տներով, կանանց՝ միայն խոհանոց, ոստիկաններին՝ հասարակական կարգը պահպանելու ու ոչ թե՝ տուգանքի թերթիկ բաժանելու։ Ու վերջապես անջատել այսօրվա իշխանության մանկական խաղալիքը՝ նրանց СУ30 հիշեցնող ֆեյսբուքը։ Մի քանի օրում ամեն ինչ կընկնի իր տեղը։ Նոր կարող ենք ասել՝ հաղթանակ։ Ու էն լակոտներին ետ բերեք Արցախից, որ հյուրանոցներից անդադար գրում են ստատուսներ, թող սահմանադրական փոփոխությունների նախագծի վրա աշխատեն»։
