Կարմիր բլուրին մոտակա ձորից օգնության ձայներ են լսվել. փրկարարները Հրազդան գետից դուրս են բերել քաղաքացուն
Հոկտեմբերի 24-ին, ժամը 08:44-ին Ճգնաժամային կառավարման ազգային կենտրոն ահազանգ է ստացվել, որ Երևանի Կարմիր բլուրին մոտակա ձորից օգնության ձայներ են լսվում. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Փրկարարները Հրազդան գետում հայտնաբերել են քաղաքացու, դուրս բերել նրան գետից և մոտեցրել շտապօգնության ավտոմեքենային․ քաղաքացին հոսպիտալացվել է «Արմենիա» ՀԲԿ։
