«ՀՀ-ից հարվածների մասին Ադրբեջանի հայտարարությունները լեգիտիմացնում են նրանց սանձարձակ գործողությունները, որոնք անպատիժ չեն մնացել և չեն մնա». Արծրուն Հովհաննիսյան
Հայ-ադրբեջանական սահմանին ակտիվ մարտական գործողություններ չկան: Ճեպազրուցի ժամանակ ասաց ՊՆ ներկայացուցիչ Արծրուն Հովհաննիսյանը:
«Հայ-ադրբեջանական սահմանին հարաբերական հանգիստ է: Զինված ուժերը հետևում են հակառակորդի բոլոր գործողություններին, բոլոր վերախմբավորումներին, հետախուզական նկրտումներին և լիովին տիրապետում են իրավիճակին»,- ասաց նա:
Անդրադառնալով Ադրբեջանի իշխանությունների հայտարարություններին, թե Հայաստանի տարածքից Ադրբեջանին հարվածներ են հասցվել, և պատասխանելով հարցին, թե արդյոք սրանով Ադրբեջանը չի՞ փորձում առիթ ստեղծել
Հայաստանի նկատմամբ ագրեսիա հրահրելու համար, Արծրուն Հովհաննիսյանն ընդգծեց, որ ի սկզբանե նման հորինվածքները ծառայում էին որպես սանձարձակ գործողությունների «լեգիտիմություն», բայց դրանք անպատիժ չեն մնացել և չեն մնա:
