«Անցեք Դաղստան, մի կռվեք և մի զոհվեք հայերիս դեմ». Արցախի «Արդարություն» կուսակցություն
Արցախի «Արդարություն» կուսակցությունը հայտարարություն է տարածել, որում ասված է․ «Ադրբեջանի Հանրապետությունում բնակվող հարգելի բնիկ ժողովուրդներ` թալիշներ, լեզգիներ, ավարներ և այլ ազգային փոքրամասնությունների ներկայացուցիչներ: Ձեզ է դիմում Արցախի «Արդարություն» կուսակցությունը` մենք դարեր շարունակ, որպես բնիկ ժողովուրդներ ապրել ենք կողք կողքի, երբեք միմիանց հետ չենք ունեցել խնդիրներ:
Այսօր, Ադրբեջանի կողմից զոհերի անուն ազգանունների գերակշռող մասը դուք եք, իրականացվող մոբիլիզացիայի արդյունքում առաջնահերթ զորակոչվում եք դուք, Ադրբեջանի մի շարք շրջաններում, որտեղ բնակվում եք դուք անջատվել է ինտերնետային կապը:
Հարգելիներս մենք գիտակցում ենք, որ այս պատերազմը ձեր պատերազմը չէ, սա հային Ադրբեջանի քաղաքական իշխանության կողմից պարտադրած պատերազմ է:
Դիմում ենք ձեզ կոչով, որ արտերկրում բնակող թալիշները, լեսգիները և ավարները փորձեն Ադրբեջանում ապրող իրենց հայրենակիցներին համոզել, որ նրանք անցնեն Դաղստան, չգան կռվելու ու զոհվելու հայերիս դեմ: Մենք պետք է ցուցաբերենք միասնական կամք և չտանք զոհեր:
Որպես բնիկ ժողովուրդ թալիշեցին, լեզգին և ավարացին ևս ունեն իրավունք ապրելու սեփական հողում և ունենալու պետականություն»:
