Պաշտպանության բանակը հակառակորդին խաղաղություն է պարտադրելու. Արցախի նախագահ
Հայկական կողմը պետք է պատրաստ լինի երկարատև պատերազմի: Այս մասին սեպտեմբերի 30-ին հրավիրված մամուլի ասուլիսի ընթացքում ասաց Արցախի Հանրապետության նախագահ Արայիկ Հարությունյանը:
«Մենք պետք է պատրաստ լինենք երկարատև պատերազմի, որովհետև, եթե մենք պատրաստ չլինենք երկարատև պատերազմի, մենք խնդիրներ կունենանք մեր կարևոր խնդրի` այս երկրում մեր ապրելու իրավունքը իրացնելու հետ»,- ասաց Հարությունյանը:
Անդրադառնալով հարցին, թե ի՞նչ վարքագիծ է ունենալու Պաշտպանության բանակը, Արցախի նախագահը պատասխանեց՝ ՊԲ-ն խաղաղություն է պարտադրելու հակառակորդին:
