«Լայնածավալ մարտական գործողություններ են Օմարից մինչև Արաքս». ԱՀ նախագահ
Դիրքային առումով շատ բան չի փոխվել առաջնագծում. լայնածավալ մարտական գործողություններ են Օմարից մինչև Արաքս:
Հրավիրված ճեպազրույցի ընթացքում ասաց ԱՀ նախագահ Արայիկ Հարությունյանը:
«Որևէ բան չի փոխվել, իհարկե, հակառակորդի հիմնական գործողությունները եղել են հարավային ուղղությամբ` Արաքս-Ջաբրայիլ-Ֆիզուլի, և Թալիշ-Մատաղիս-Եղնիկներ հատվածը, երբ ասում եմ Եղնիկներ, բոլորի համար պարզ է` մեր հյուսիսարևելյան ուղղությունը»,-նշեց նա` հավելելով, որ կեսօրից հետո լայնածավալ գործողություն է սկսել նաև Մռավի ուղղությամբ:
«Երեկ տվել էին, թե իբր գրավել են, այսօր հարձակվել են, բայց որևէ հաջողություն չեն արձանագրել: Բայց ինչպես երեկ, այսօր էլ շարունակվել են նույն մարտական գործողությունները, սակայն արդեն Օմարի ուղղությամբ»,-հայտնեց ԱՀ նախագահը:
